ماذا تنصح الشباب الذين يدخنون فى حوش الكنيسة ؟

لابد أن يؤخذ الحزم معاهم , إلا بقى لو كانوا لقوا الكاهن بيدخن هما بيدخنوا زيه ,على رأى المثل إذا كان رب البيت بالدف ضارب فشيمت أهل البيت كلهم الرقص , فما يصحش أبدا, الكتاب بيقول ببيتك تليق القداسة يارب فاللي بيدخن في حوش الكنيسة بيرتكب 3 خطايا على الأقل ,خطية شرب السجاير وخطية عدم إحترام الأماكن المقدسة وخطية إعثار الآخرين .على الأقل ال3 خطايا دول ,بيعثر غيره بيوقعه فى إدانة وبيوقعه في شك وحاجات كتيرة جدا.

والسجاير خطية لعدة أسباب :

أولا : لأنها تتلف صحتك, تضيع صحتك أول حاجة.

تانى حاجة تضيع أموالك .

تالت حاجة تضيع الإرادة بتاعتك , لأن الشخص إللي بيشرب سجاير مستعبد لعادة ,إرادته ضايعة مش قادر يتحكم فيها .تضيع صحته, تضيع أمواله ، تضيع إرادته .فما يصحش إن الواحد يشرب سجاير .

س : هل فيه أيه ؟

ج : فيه كتير يعنى كفايه الايه اللي بتقول كل الأشياء تحل لى ولكن لا يتسلط على منها شىء يعنى أى شىءبيتسلط عليك ويفقدك حريتك كإبن لله يبقى خطية ,لأن مفروض إنك أنت لا يتسلط عليك شىء , حتى إذا لقيت شرب الشاى بيتسلط عليك سيب الشاى شويه ,إشرب قرفه, إشرب كاكاو , إشرب جنزابيل ينفع في البرد وعايز ترجعله تانى ارجع ولكن ما تخليهوش يسيطر عليك, كسيطره مش حرام لكن السيطره مش كويسة ,دا فيه ناس إن ما شربوش كباية شاى ما يعرفش يشتغل بقية اليوم يبقى الصيام الانقطاعي بالنسبة له راح...